Hraðfrystihúsið-Gunnvör hf.
Úthlutað aflamark í þorski hefur dregist saman um 23% á síðustu tveimur fiskveiðiárum og dragast aflaheimildir H-G hf. saman um 1.200 tonn við það. Einnig hefur orðið veruleg skerðing í úthlutuðu aflamarki í gullkarfa, sem hefur verið mikilvæg tegund í útgerð Stefnis. Í ljósi þessa hefur verið ákveðið að hætta útgerð Stefnis. Með þeirri aðgerð mun rekstrargrundvöllur annarra skipa félagsins styrkjast.
Ákveðið hefur verið að segja áhöfn skipsins, sem telur 13 manns, upp frá og með áramótum. Útgerðin mun leitast við að útvega þeim sem missa vinnuna störf á öðrum skipum félagsins eins og kostur er.
Stefnir ÍS 28 var smíðaður í Flekkefjord í Noregi árið 1976 fyrir Flateyringa og bar fyrst nafnið Gyllir ÍS 261. Skipið var keypt til Ísafjarðar í ársbyrjun 1993 og hefur verið gert út frá Ísafirði í nær 30 ár og hefur útgerð skipsins gengið vel.
Um áramótin gekk Háafell ehf. frá samningum við KJ Hydraulic í Færeyjum um smíði á nýjum þjónustubáti fyrir sjókvíaeldi félagsins. Um er að ræða tvíbytnu sem er 15x8 metrar með 50 tm krana og tveimur 410 hp vélum auk 115 kw ljósavélar. Nýja tvíbytnan mun geta sinnt allri helstu þjónustu við eldið og verður með góða aðstöðu fyrir áhöfn. Áætlað er að afhending verði í haust en skrokkurinn er smíðaður í Póllandi en innréttingar, vélbúnaður og rafmagn klárað í Færeyjum. Báturinn mun sinna nýju eldissvæði Háafells í Skötufirði og heimahöfn verður í Súðavík.
Háafell hefur leigt tvíbytnu, Hafnarnes frá Arctic Fish sem mun brúa bilið frammá haustið þar til nýsmíðin kemur. Hafnarnesið er nýkomið frá Stykkishólmi þar sem það var í slipp og var sótthreinsað og botnmálað.
Lesa meira:
Fyrsti fóðurprammi Háafells er væntanlegur til Ísafjarðar í dag. Dráttarskipið Bestla lagði af stað með prammann þann 17. júní frá Tallinn í Eistlandi þar sem hann var smíðaður. Það er norska fyrirtækið Akvagroup sem smíðar prammann en hann tekur 450 tonn af fóðri, er 22 metrar á lengd og 12 metrar á breidd. Um borð er skrifstofa, eldhús, salerni og aðstoða fyrir starfsmenn Háafells.
Pramminn verður staðsettur í Vigurál undan Skarðsströnd á eldisstaðsetningu Háafells. Með tilkomu fóðurprammans er tryggð jöfn og góð fóðrun á staðsetningunni. Fóðurpramminn er útbúinn spenni fyrir landtengingu og hefur Háafell unnið að undirbúningi landtengingarinnar ásamt Eflu og Orkubúi Vestfjarða. Ljósavélar um borð verða því aðeins varaafl og pramminn knúinn grænni orku úr landi.
Háafell býður öllum áhugasömum að koma á að skoða fóðurprammann í innri höfninni á Ísafirði fyrir fram Edinborg mánudaginn 4. júlí á milli klukkan 16 og 18. Léttar veitingar verða í boði.
Á sjómannadaginn, á hátíðarhöldum sjómannadagsins, undanfarin ár hefur yfirvélstjóra skips verið veitt viðurkenning fyrir fyrirmyndar rekstur vélbúnaðar og umgengni um borð í viðkomandi skipi. Nefnist verðlaunagripurinn Neistinn og er viðurkenning VM, Félags vélstjóra og málmiðnaðarmanna og TM fyrir yfirvélstjórastörf. Í ár hlaut Sigurður Jóhann Erlingsson yfirvélstjóri á Páli Pálssyni ÍS 102 verðlaunagripinn.
